ସ୍ପୋର୍ଟସ୍ ଡେସ୍କ: ୱେଷ୍ଟଇଣ୍ଡିଜ୍ ବିପକ୍ଷ ଟେଷ୍ଟରେ ଆକ୍ରମଣାତ୍ମକ ସେଲିବ୍ରେସନ୍ କରିବା ନେଇ ପାକିସ୍ତାନର ଦୁଇ ଦ୍ରୁତ ବୋଲର ମହମ୍ମଦ ଅବ୍ବାସ ଓ ଖୁର୍ରମ ଶାହଜାଦଙ୍କ ବିରୋଧରେ ଆଇସିସି କାର୍ଯ୍ୟାନୁଷ୍ଠାନ ନେଇଛି।
ବ୍ରାଏନ୍ ଲାରା କ୍ରିକେଟ୍ ଏକାଡେମିରେ ମ୍ୟାଚ୍ ସମୟରେ ୱିକେଟ୍ ନେବା ପରେ ଦୁଇ ବୋଲର ଆଉଟ୍ ହୋଇଥିବା ବ୍ୟାଟରଙ୍କ ଅତି ନିକଟରେ ସେଲିବ୍ରେସନ୍ କରିଥିଲେ। ଆଇସିସି ଏହାକୁ ଆଚରଣ ସଂହିତାର ଲେଭେଲ୍-୧ ଉଲ୍ଲଂଘନ ବୋଲି କହିଛି।
ଖୁର୍ରମ ଶାହଜାଦଙ୍କ ମ୍ୟାଚ୍ ଫି’ର ୧୫ ପ୍ରତିଶତ କାଟିବା ସହ ଗୋଟିଏ ଡିମେରିଟ୍ ପଏଣ୍ଟ ଦିଆଯାଇଛି। ମହମ୍ମଦ ଅବ୍ବାସଙ୍କୁ ତାଗିଦ୍ କରାଯାଇ ଗୋଟିଏ ଡିମେରିଟ୍ ପଏଣ୍ଟ ଯୋଡ଼ାଯାଇଛି। ଦୁଇ ଖେଳାଳି ନିଜ ଭୁଲ୍ ସ୍ୱୀକାର କରିଥିବାରୁ ଅଲଗା ଶୁଣାଣିର ଆବଶ୍ୟକତା ପଡ଼ିନଥିଲା।
ସୂତ୍ର: ମୂଳ ରିପୋର୍ଟ
