ମୁମ୍ବାଇ: ପିଲାଙ୍କୁ ଅଧିକ ଚର୍ବି, ଲୁଣ ଓ ଚିନି ଥିବା ଖାଦ୍ୟଠାରୁ ଦୂରେଇ ରଖିବାକୁ ମହାରାଷ୍ଟ୍ର ସରକାର କଡ଼ା ପଦକ୍ଷେପ ନେଇଛନ୍ତି। ସ୍କୁଲ ପରିସର ଏବଂ ତାହାର ୫୦ ମିଟର ମଧ୍ୟରେ ସମୋସା, ବଡ଼ାପାଉ, ଚିପ୍ସ ଓ ଥଣ୍ଡା ପାନୀୟ ଭଳି ଜଙ୍କଫୁଡ୍ ବିକ୍ରିକୁ ନିଷେଧ କରାଯାଇଛି।
ଖାଦ୍ୟ ଓ ଔଷଧ ପ୍ରଶାସନ ଅନୁସାରେ କେବଳ ବିକ୍ରି ନୁହେଁ, HFSS ଶ୍ରେଣୀର ଖାଦ୍ୟର ବିଜ୍ଞାପନ ଓ ମାଗଣା ବଣ୍ଟନ ଉପରେ ମଧ୍ୟ ରୋକ୍ ଲାଗିବ। ସ୍କୁଲ ରୋଷେଇଘର ଓ ଖାଦ୍ୟ ଯୋଗାଣକାରୀଙ୍କ ପାଖରେ ନିୟମିତ ଖାଦ୍ୟ ସୁରକ୍ଷା ଲାଇସେନ୍ସ ରହିବା ଆବଶ୍ୟକ।
ଏହି ନିର୍ଦ୍ଦେଶ ରାଜ୍ୟର ପ୍ରାୟ ୧.୦୮ ଲକ୍ଷ ସ୍କୁଲରେ ପଢ଼ୁଥିବା ଦୁଇ କୋଟି ଛାତ୍ରଛାତ୍ରୀଙ୍କୁ ପ୍ରଭାବିତ କରିପାରେ। ଲକ୍ଷ୍ୟ ହେଉଛି ପିଲାଙ୍କ ମଧ୍ୟରେ ସୁସ୍ଥ ଖାଦ୍ୟ ଅଭ୍ୟାସ ବଢ଼ାଇବା ଓ ମୋଟାପା ସହ ଜୀବନଶୈଳୀଜନିତ ରୋଗର ଝୁମ୍କି କମାଇବା।
ସୂତ୍ର: ମୂଳ ରିପୋର୍ଟ
