ନୂଆଦିଲ୍ଲୀ: ଡିଜିଟାଲ୍ ପେମେଣ୍ଟକୁ ନେଇ କେନ୍ଦ୍ର ସରକାରଙ୍କ ନୂତନ ନିଷ୍ପତ୍ତି ଉପରେ ରୋକ୍ ଲଗାଇବାକୁ ସୁପ୍ରିମକୋର୍ଟ ମନା କରିଦେଇଛନ୍ତି। ଏହି ରାୟ ପରେ ୨,୦୦୦ ଟଙ୍କାରୁ ଅଧିକ ମୂଲ୍ୟର ବ୍ୟକ୍ତି-ରୁ-ବ୍ୟବସାୟୀ (P2M) ୟୁପିଆଇ (UPI) କାରବାର ଉପରେ MDR ଲାଗୁ ହେବା ନେଇ ବାଟ ପରିଷ୍କାର ହୋଇଯାଇଛି।
ସେପ୍ଟେମ୍ବର ମଧ୍ୟଭାଗରେ ଘୋଷିତ ହୋଇଥିବା ଏହି ନୂତନ ଆର୍ଥିକ ବ୍ୟବସ୍ଥା ଅନୁଯାୟୀ, ବ୍ୟବସାୟୀମାନେ ଏହି ବଡ଼ ଧରଣର କାରବାର ପାଇଁ ଏକ ସମାନ ୦.୪ ପ୍ରତିଶତ ଶୁଳ୍କ ଦେବେ।
କୋର୍ଟ କାର୍ଯ୍ୟର ମାମଲାରେ କେନ୍ଦ୍ର ସରକାରଙ୍କ ପକ୍ଷରୁ ପ୍ରତିନିଧିତ୍ୱ କରି ଅତିରିକ୍ତ ସଲିସିଟର୍ ଜେନେରାଲ୍ ଏନ୍. ଭେଙ୍କଟରମଣ କୋର୍ଟଙ୍କୁ ଅବଗତ କରାଇଥିଲେ ଯେ, ଏହି ମୂଲ୍ୟ ସଂଶୋଧନ ଦ୍ୱାରା ଦେଶର ୯୬ ପ୍ରତିଶତ ସାଧାରଣ ଉପଭୋକ୍ତା ସମ୍ପୂର୍ଣ୍ଣ ଭାବେ ପ୍ରଭାବିତ ହେବେ ନାହିଁ।
କେନ୍ଦ୍ର ସରକାର ଏବଂ ଅର୍ଥମନ୍ତ୍ରାଳୟ ପକ୍ଷରୁ ବ୍ୟାଙ୍କ ଏବଂ ଆପ୍ ପ୍ରଦାନକାରୀମାନଙ୍କୁ କଡ଼ା ନିର୍ଦ୍ଦେଶ ଦିଆଯାଇଛି ଯେ, ବ୍ୟବସାୟୀମାନେ ଯେପରି ଏହି ପ୍ରକ୍ରିୟାକରଣ ଖର୍ଚ୍ଚକୁ ସାଧାରଣ ଗ୍ରାହକଙ୍କ ଉପରେ ଲଦି ନ ଦିଅନ୍ତି।
ବ୍ୟକ୍ତିରୁ-ବ୍ୟକ୍ତି (P2P) ମଧ୍ୟରେ ହେଉଥିବା ସମସ୍ତ ଟ୍ରାନ୍ସଫର୍ ପୂର୍ବପରି ସମ୍ପୂର୍ଣ୍ଣ ମାଗଣା ରହିବ। କମ୍ ଲାଭ ମାର୍ଜିନ୍ ବ୍ୟବସାୟ କରୁଥିବା କ୍ଷେତ୍ର ଯଥା- ପେଟ୍ରୋଲ ପମ୍ପ, କୃଷି ସାମଗ୍ରୀ, ରେଳ ଟିକେଟ୍, ବୀମା ଏବଂ ଟେଲିକମ୍ ପ୍ରଦାନକାରୀଙ୍କ ପାଇଁ ୨,୦୦୦ ଟଙ୍କା ଉପରର ପେମେଣ୍ଟରେ ମାତ୍ର ୫ ଟଙ୍କାର ଏକ ଫ୍ଲାଟ୍ ଫି’ ଧାର୍ଯ୍ୟ କରାଯାଇଛି।
ଷ୍ଟକ୍ ବ୍ରୋକର୍ ଏବଂ ମ୍ୟୁଚୁଆଲ୍ ଓ ଡିଲରମାନଙ୍କ ପାଇଁ ଆହୁରି କମ୍ ଅର୍ଥାତ୍ ୦.୦୨ ପ୍ରତିଶତ ହାର ରହିଥିବାବେଳେ ୭୫,୦00 ଟଙ୍କାରୁ ଅଧିକ କାରବାର ପାଇଁ ସର୍ବାଧିକ ଶୁଳ୍କ ୩୦0 ଟଙ୍କା ସୀମିତ ରଖାଯାଇଛି।
ଏହି ନୂତନ ବ୍ୟବସ୍ଥା ଦ୍ୱାରା ଭାରତର ଡିଜିଟାଲ୍ ଅର୍ଥନୀତିରେ ଏକ ନୂତନ ଯୁଗ ଆରମ୍ଭ ହୋଇଛି, ଯେଉଁଠାରେ ଗ୍ରାହକଙ୍କୁ ସୁରକ୍ଷା ଦେବା ସହିତ ଅର୍ଥନୈତିକ ବ୍ୟବସ୍ଥାକୁ ସନ୍ତୁଳିତ ରଖିବାକୁ ଲକ୍ଷ୍ୟ ରଖାଯାଇଛି।
