ନୂଆଦିଲ୍ଲୀ: ଗ୍ରୀସ୍ର ଥେସାଲୋନିକିରୁ ଜର୍ମାନୀର ମେମିଙ୍ଗେନ୍ ଯାଉଥିବା ବିମାନରେ ଉଡ଼ାଣ ସମୟରେ ଏକ ଝରକା ହଠାତ୍ ଖସିଯାଇଥିବା ରିପୋର୍ଟ ହୋଇଛି। କ୍ୟାବିନ୍ର ବାୟୁଚାପ କମିବାରୁ ଅକ୍ସିଜେନ୍ ମାସ୍କ ତଳକୁ ଖସିଥିଲା ଏବଂ ଯାତ୍ରୀଙ୍କ ମଧ୍ୟରେ ଆତଙ୍କ ସୃଷ୍ଟି ହୋଇଥିଲା।
ଝରକା ପାଖରେ ବସିଥିବା ସର୍ବିଆର ଜଣେ ପର୍ଯ୍ୟଟକଙ୍କ ମୁଣ୍ଡ ଓ କାନ୍ଧ ବାହାରକୁ ଟାଣି ହୋଇଯାଇଥିଲା। ସିଟ୍ବେଲ୍ଟ ବାନ୍ଧିଥିବାରୁ ସେ ବର୍ତ୍ତିଯାଇଥିଲେ ଏବଂ ସହଯାତ୍ରୀମାନେ ତାଙ୍କୁ ଭିତରକୁ ଟାଣିଥିଲେ। ଆହତ ଯାତ୍ରୀଙ୍କ ଅବସ୍ଥା ସ୍ଥିର ଥିବା କୁହାଯାଇଛି।