ପୁରୀରେ କାର୍ତ୍ତିକ ବ୍ରତ ପାଇଁ ଆରମ୍ଭ ହେଲା ହବିଷ୍ୟାଳୀ ଅନଲାଇନ୍ ପଞ୍ଜୀକରଣ

ପୁରୀ: ପବିତ୍ର କାର୍ତ୍ତିକ ମାସରେ ପୁରୀରେ ବ୍ରତ ରଖିବାକୁ ଥିବା ହବିଷ୍ୟାଳୀମାନଙ୍କ ପାଇଁ ଖୁସିଖବର। ପୁରୀରେ କାର୍ତ୍ତିକ ବ୍ରତ ପାଳନ କରିବାକୁ ଥିବା ହବିଷ୍ୟାଳୀମାନଙ୍କର ଅନଲାଇନ୍ ପଞ୍ଜୀକରଣ ଆଜିଠାରୁ ଆରମ୍ଭ ହେଉଛି।

ଏହି ଯୋଜନା ଅଧୀନରେ ରାଜ୍ୟ ସରକାରଙ୍କ ପକ୍ଷରୁ ମୋଟ ୨,୫୦୦ ଜଣ ହବିଷ୍ୟାଳୀଙ୍କୁ ମାଗଣାରେ ରହଣି ଏବଂ ଅନ୍ୟାନ୍ୟ ସୁବିଧା ଯାଇଆଯିବ। ଚଳିତ ବର୍ଷ କାର୍ତ୍ତିକ ବ୍ରତ ଅକ୍ଟୋବର ୨୬ ତାରିଖରୁ ଆରମ୍ଭ ହୋଇ ନଭେମ୍ବର ୨୪ ତାରିଖ ପର୍ଯ୍ୟନ୍ତ ପାଳିତ ହେବ।

ମାଗଣା ରହଣି: ପଞ୍ଜୀକୃତ ମହିଳାମାନଙ୍କୁ ପୁରୀର ବୃନ୍ଦାବତୀ ନିବାସ, ମ୍ୟୁନିସିପାଲ୍ କଲ୍ୟାଣ ମଣ୍ଡପ ଏବଂ ରେଳୱେ ଟୁରିଷ୍ଟ କମ୍ପ୍ଲେକ୍ସରେ ମାଗଣାରେ ରହିବାର ବ୍ୟବସ୍ଥା କରାଯାଇଛି।

ଶ୍ରୀମନ୍ଦିରରେ ଦର୍ଶନ ଓ ମହାପ୍ରସାଦ: ହବିଷ୍ୟାଳୀମାନଙ୍କ ପାଇଁ ଶ୍ରୀଜିଉଙ୍କ ଶୃଙ୍ଖଳିତ ଦର୍ଶନ ଏବଂ ପ୍ରତିଦିନ ମାଗଣା ମହାପ୍ରସାଦର ବ୍ୟବସ୍ଥା କରାଯିବ।

କିପରି କରିବେ ଆବେଦନ: ଓଡ଼ିଶାର ସମସ୍ତ ୩୦ଟି ଜିଲ୍ଲାର ମହିଳାମାନେ ଏହି ବ୍ରତ ପାଇଁ ଅନଲାଇନ୍‌ରେ ଆବେଦନ କରିବାକୁ ଯୋଗ୍ୟ ଅଟନ୍ତି। ଆବେଦନ କରିବାକୁ ଚାହୁଁଥିବା ମହିଳାମାନେ ଓଡ଼ିଶା ସରକାରଙ୍କ e-District ପୋର୍ଟାଲ୍ ମାଧ୍ୟମରେ ନିଜର ନାଁ ପଞ୍ଜୀକରଣ କରିପାରିବେ।