ନୂଆଦିଲ୍ଲୀ: କରୱା ଚୌଥ୍ ପର୍ବ ଅବସରରେ ଦିଲ୍ଲୀ ମୁଖ୍ୟମନ୍ତ୍ରୀ ରେଖା ଗୁପ୍ତା ନବବିବାହିତା ମହିଳାମାନଙ୍କ ପାଇଁ ଏକ ସ୍ୱତନ୍ତ୍ର କାର୍ଯ୍ୟକ୍ରମର ଆୟୋଜନ କରିଛନ୍ତି। ବୁଧବାର ‘ମୁଖ୍ୟମନ୍ତ୍ରୀ ଜନସେବା ସଦନ’ଠାରେ ଆୟୋଜିତ ଏକ କାର୍ଯ୍ୟକ୍ରମରେ ସେ ୫୧ ଜଣ ନବବଧୂଙ୍କୁ ପ୍ରତ୍ୟେକଙ୍କୁ ୧ ଲକ୍ଷ ଟଙ୍କାର ଚେକ୍ ସହିତ ସ୍ୱତନ୍ତ୍ର କରୱା ଚୌଥ୍ କିଟ୍ ବଣ୍ଟନ କରିଛନ୍ତି।
ସରକାରୀ ବିବୃତ୍ତି ଅନୁଯାୟୀ, ଗତ ମାର୍ଚ୍ଚ ମାସରେ ‘ଲାଡ୍ଲି ଫାଉଣ୍ଡେସନ୍’ ପକ୍ଷରୁ ଆୟୋଜିତ ଏକ ଗଣବିବାହ ଉତ୍ସବରେ ଏହି ମହିଳାମାନଙ୍କର ବିବାହ ହୋଇଥିଲା। ବିବାହ ପରେ ସେମାନଙ୍କର ଏହା ପ୍ରଥମ କରୱା ଚୌଥ୍ ହୋଇଥିବାରୁ ମୁଖ୍ୟମନ୍ତ୍ରୀ ସେମାନଙ୍କୁ ଶୁଭେଚ୍ଛା ଜଣାଇବା ସହ ଏହି ଆର୍ଥିକ ସହାୟତା ଓ ସାମଗ୍ରୀ ପ୍ରଦାନ କରିଛନ୍ତି।
କାର୍ଯ୍ୟକ୍ରମ ଆଲୋଚନା ସମୟରେ ମୁଖ୍ୟମନ୍ତ୍ରୀ ନବବଧୂମାନଙ୍କ ସହ ସୀଧାସଳଖ କଥାବାର୍ତ୍ତା କରି ସେମାନଙ୍କର ସୁଖମୟ, ସମୃଦ୍ଧ ଓ ନିରୋଗ ଦାମ୍ପତ୍ୟ ଜୀବନ କାମନା କରିଛନ୍ତି। ଏହାସହ ସେମାନଙ୍କ ପରିବାର ଏବଂ ବିବାହ ପରର ଅନୁଭୂତି ସମ୍ପର୍କରେ ପଚାରି ବୁଝିଥିଲେ।
ଯେକୌଣସି ବିପଦ କିମ୍ବା ଆହ୍ୱାନପୂର୍ଣ୍ଣ ସମୟରେ ସରକାର ସେମାନଙ୍କ ସହ ଅଛନ୍ତି ଏବଂ ପ୍ରତ୍ୟେକ ଆବଶ୍ୟକତାରେ ସେ ସେମାନଙ୍କ ପଛରେ
