ନୂଆଦିଲ୍ଲୀ: ୨୦୨୫ର ଅନଲାଇନ୍ ଫୁଡ୍ ଅର୍ଡର୍ ତଥ୍ୟରେ ବିରିୟାନି ପୁଣି ଭାରତୀୟଙ୍କ ପ୍ରଥମ ପସନ୍ଦ ହୋଇଛି। ଏକ ଡେଲିଭରି ପ୍ଲାଟଫର୍ମର ବାର୍ଷିକ ତଥ୍ୟ ଅନୁଯାୟୀ ବର୍ଷ ସାରା ପ୍ରାୟ ୯.୩ କୋଟି ପ୍ଲେଟ୍ ବିରିୟାନି ଅର୍ଡର୍ ହୋଇଥିଲା, ଅର୍ଥାତ୍ ପ୍ରତି ମିନିଟ୍ରେ ପ୍ରାୟ ୧୯୪ ପ୍ଲେଟ୍।
ଚିକେନ୍ ବିରିୟାନି ୫.୭୭ କୋଟି ଅର୍ଡର୍ ସହ ଆଗରେ ଥିଲା। ବର୍ଗର୍ ପ୍ରାୟ ୪.୪୨ କୋଟି, ପିଜ୍ଜା ୪.୦୧ କୋଟି ଏବଂ ଭେଜ୍ ଦୋସା ୨.୬୨ କୋଟି ଅର୍ଡର୍ ସହ ଲୋକପ୍ରିୟ ଖାଦ୍ୟ ତାଲିକାରେ ରହିଛି। ଏହା ଭାରତର ବିବିଧ ଖାଦ୍ୟ ରୁଚି ଓ ଘରେ ବସି ଖାଦ୍ୟ ମଗାଇବା ପ୍ରବୃତ୍ତିକୁ ଦେଖାଉଛି।
