ପୁଣି ଖୋଲିବ ‘ସୁଭଦ୍ରା’ ପୋର୍ଟାଲ: ବଞ୍ଚିତ ଓ ନୂଆ ହିତାଧିକାରୀଙ୍କୁ ମିଳିବ ଆବେଦନ ସୁଯୋଗ

ଭୁବନେଶ୍ୱର: ରାଜ୍ୟର ବହୁଚର୍ଚ୍ଚିତ ‘ସୁଭଦ୍ରା’ ଯୋଜନାରୁ ବଞ୍ଚିତ ହୋଇଥିବା ଏବଂ ନୂଆ ଆଶାୟୀ ହିତାଧିକାରୀଙ୍କ ପାଇଁ ଆସିଛି ଖୁସି ଖବର। ପରବର୍ତ୍ତୀ ଆର୍ଥିକ ବର୍ଷ ଆରମ୍ଭରୁ ଅର୍ଥାତ୍ ଏପ୍ରିଲ ମାସରେ ପୁଣିଥରେ ସୁଭଦ୍ରା ପୋର୍ଟାଲ ଖୋଲିବ। ଏ ନେଇ ରାଜ୍ୟ ଉପମୁଖ୍ୟମନ୍ତ୍ରୀ ତଥା ମହିଳା ଓ ଶିଶୁ ବିକାଶ ମନ୍ତ୍ରୀ ପ୍ରଭାତୀ ପରିଡ଼ା ସୂଚନା ଦେଇଛନ୍ତି।

ଯେଉଁ ମହିଳାମାନେ ପୂର୍ବରୁ ଆବେଦନ କରିପାରିନାହାନ୍ତି କିମ୍ବା କୌଣସି କାରଣରୁ ଯୋଜନାରୁ ବଞ୍ଚିତ ହୋଇଥିଲେ, ସେମାନେ ଏହି ମାସିକ ସୁଯୋଗରେ ଆବେଦନ କରିପାରିବେ। ଆବେଦନକାରୀଙ୍କ ବୟସ ୨୧ ବର୍ଷ କିମ୍ବା ତା’ଠାରୁ ଅଧିକ ହୋଇଥିବା ଆବଶ୍ୟକ।

ବର୍ତ୍ତମାନ ସୁଦ୍ଧା ରାଜ୍ୟର ୧ କୋଟିରୁ ଅଧିକ ମହିଳା ଏହି ଯୋଜନାରେ ସାମିଲ ହୋଇ ଆର୍ଥିକ ସ୍ୱାବଲମ୍ବୀ ହୋଇପାରିଛନ୍ତି। ୨୦୨୪ ସେପ୍ଟେମ୍ବର ୧୭ ତାରିଖରେ ଶୁଭାରମ୍ଭ ହୋଇଥିବା ଏହି ଯୋଜନା ସଫଳତାର ସହ ଆଗେଇ ଚାଲିଛି।

ସାଧାରଣ ସେବା କେନ୍ଦ୍ର (CSC) ଏବଂ ‘ଆମ ସେବା କେନ୍ଦ୍ର’ (ASK) ମାଧ୍ୟମରେ ସୁଭଦ୍ରା ପୋର୍ଟାଲ ଜରିଆରେ ପଞ୍ଜୀକରଣ କରାଯାଇପାରିବ। ସମସ୍ତ ଅଙ୍ଗନୱାଡି କେନ୍ଦ୍ର (AWC) ଏବଂ ସିଡିପିଓ (CDPO) କାର୍ଯ୍ୟାଳୟରେ ସମ୍ପୂର୍ଣ୍ଣ ମାଗଣାରେ ଆବେଦନ ଫର୍ମ ଉପଲବ୍ଧ ହେବ।

ଯୋଗ୍ୟ ମହିଳାମାନେ ଆବଶ୍ୟକ କାଗଜପତ୍ର ସହ ପ୍ରସ୍ତୁତ ରହି ପୋର୍ଟାଲ ଖୋଲିବା ମାତ୍ରେ ନିଜର ଆବେଦନ ପ୍ରକ୍ରିୟା ସମ୍ପୂର୍ଣ୍ଣ କରିବାକୁ ପରାମର୍ଶ ଦିଆଯାଇଛି।