ନିର୍ବାଚନ ପୂର୍ବରୁ ବାଜିମାତ! ବିନା ପ୍ରତିଦ୍ୱନ୍ଦ୍ୱିତାରେ ଜିତିଲେ ଛାତ୍ର ପ୍ରାର୍ଥୀ

ଭୁବନେଶ୍ୱର: ରାଜ୍ୟର ବିଭିନ୍ନ କଲେଜ ଓ ବିଶ୍ୱବିଦ୍ୟାଳୟଗୁଡ଼ିକରେ ଛାତ୍ର ସଂସଦ ନିର୍ବାଚନ ପାଇଁ ନାମାଙ୍କନପତ୍ର ଦାଖଲ ପ୍ରକ୍ରିୟା ଆରମ୍ଭ ହୋଇଥିବାବେଳେ ପ୍ରଥମ ଦିନରୁ କେତେକ ଶିକ୍ଷାନୁଷ୍ଠାନରେ ବଡ଼ ଧରଣର ଫଳାଫଳ ସାମ୍ନାକୁ ଆସିଛି। ରାଜ୍ୟର କିଛି କଲେଜରେ କୌଣସି ପ୍ରତିଦ୍ୱନ୍ଦ୍ୱୀ ନଥିବାରୁ ପ୍ରାର୍ଥୀମାନେ ନିର୍ଦ୍ଦିବ୍ଧାରେ ବିଜୟୀ ହୋଇଛନ୍ତି।

ଧର୍ମଶାଳା କଲେଜ: ଯାଜପୁର ଜିଲ୍ଲାର ଧର୍ମଶାଳା କଲେଜରେ ସଭାପତି ପଦବୀ ସମେତ ମୋଟ ୧୭ ଜଣ ପ୍ରାର୍ଥୀ ବିନା ପ୍ରତିଦ୍ୱନ୍ଦ୍ୱିତାରେ ବିଜୟୀ ହୋଇଛନ୍ତି। ଏଠାରେ ଦିବ୍ୟ ରଞ୍ଜନ ନାୟକ ସଭାପତି ଭାବେ ନିର୍ବାଚିତ ହୋଇଥିବାବେଳେ ସ୍ୱାଧୀନ ସ୍ୱାଇଁ ଉପସଭାପତି, ସ୍ୱୟଂଶ୍ରୀ ଖୁଣ୍ଟିଆ ସାଧାରଣ ସମ୍ପାଦକ ଏବଂ ରାଜଶ୍ରୀ ସାମଲ ସହ-ସମ୍ପାଦକ ଭାବେ ବିଜୟୀ ହୋଇଛନ୍ତି।

ପଞ୍ଚାୟତ ସମିତି କଲେଜ (ଝୁମ୍ପୁରା, କେନ୍ଦୁଝର): ସେହିପରି କେନ୍ଦୁଝର ଜିଲ୍ଲା ଝୁମ୍ପୁରାସ୍ଥିତ ପଞ୍ଚାୟତ ସମିତି କଲେଜରେ ମଧ୍ୟ ସମସ୍ତ ୧୩ ଜଣ ପ୍ରାର୍ଥୀ ନିର୍ଦ୍ଦ୍ୱନ୍ଦ୍ୱରେ ନିର୍ବାଚିତ ହୋଇଛନ୍ତି।

ଆଗାମୀ କାର୍ଯ୍ୟସୂଚୀ: ରାଜ୍ୟର ଅନ୍ୟାନ୍ୟ ଶିକ୍ଷାନୁଷ୍ଠାନଗୁଡ଼ିକରେ ନିର୍ଦ୍ଧାରିତ ସମୟସୀମା ଅନୁଯାୟୀ ପ୍ରକ୍ରିୟା ଜାରି ରହିଛି:

ନାମାଙ୍କନ ପ୍ରତ୍ୟାହାର: ଆସନ୍ତାକାଲି (ଅକ୍ଟୋବର ୧୦) ପୂର୍ବାହ୍ନ ୧୦ଟାରୁା ମଧ୍ୟାହ୍ନ ୧ଟା ମଧ୍ୟରେ ପ୍ରାର୍ଥୀମାନେ ନିଜର ନାମାଙ୍କନ ପ୍ରତ୍ୟାହାର କରିପାରିବେ ଏବଂ ଅପରାହ୍ନ ୩ଟାରେ ଚୂଡ଼ାନ୍ତ ପ୍ରାର୍ଥୀ ତାଲିକା ପ୍ରକାଶ ପାଇବ।

ମତଦାନ: ଆସନ୍ତା ଅକ୍ଟୋବର ୧୫ ତାରିଖରେ ସକାଳ ୮ଟାରୁ ଦିନ ୨ଟା ପର୍ଯ୍ୟନ୍ତ ଭୋଟ୍ ଗ୍ରହଣ କରାଯିବ। ସେହିଦିନ ଅପରାହ୍ନ ୨ଟାରୁ ଭୋଟ୍ ଗଣନା ଆରମ୍ଭ ହୋଇ ଫଳାଫଳ ଘୋଷଣା କରାଯିବ।

ଶପଥ ଗ୍ରହଣ: ନିର୍ବାଚିତ ପ୍ରତିନିଧିମାନଙ୍କ ପାଇଁ ପରଦିନ ଅର୍ଥାତ୍ ଅକ୍ଟୋବର ୧୬ରେ ଶପଥ ଗ୍ରହଣ ଉତ୍ସବ ଅନୁଷ୍ଠିତ ହେବ।