ଭୁବନେଶ୍ୱର: ୨୦୨୭ ICC ପୁରୁଷ କ୍ରିକେଟ୍ ବିଶ୍ୱକପ୍ ଆରମ୍ଭ ହେବାକୁ ପ୍ରାୟ ଗୋଟିଏ ବର୍ଷ ବାକି ଥିବା ବେଳେ ଏବେଠାରୁ କ୍ରିକେଟ୍ ପ୍ରେମୀଙ୍କ ମଧ୍ୟରେ ଅଭୂତପୂର୍ବ ଉତ୍ସାହ ଦେଖିବାକୁ ମିଳିଛି। ଟିକେଟ୍ ବିକ୍ରି ପାଇଁ ଆବେଦନ ପ୍ରକ୍ରିୟାରେ ସାରା ବିଶ୍ୱରୁ ସପୋର୍ଟରମାନଙ୍କ ବନ୍ୟା ଛୁଟିଛି, ଯାହାଫଳରେ ମୋଟ ଟିକେଟ୍ ଆବେଦନ ସଂଖ୍ୟା ୧୨ କୋଟି ଅତିକ୍ରମ କରିସାରିଛି।
ଆନ୍ତର୍ଜାତୀୟ କ୍ରିକେଟ୍ ପରିଷଦ (ICC) ର ପ୍ରେସ୍ ରିଲିଜ୍ ଅନୁଯାୟୀ, ନଭେମ୍ବର ୧ ତାରିଖ ସୁଦ୍ଧା ମୋଟ ୧୨,୦୮,୦୯,୪୬୭ ଟି ଟିକେଟ୍ ଆବେଦନ ମିଳିସାରିଛି। ୧୯୩ଟି ଦେଶରୁ ପ୍ରାୟ ୨୮ ଲକ୍ଷରୁ ଅଧିକ ନିଶ୍ଚିତ ପ୍ରଶଂସକ ଏହି ବାଲଟ୍ ପ୍ରକ୍ରିୟା ପାଇଁ ପଞ୍ଜୀକରଣ କରିଛନ୍ତି। ଆବେଦନ ପ୍ରକ୍ରିୟା ଆଗାମୀ ନଭେମ୍ବର ୨୧ ତାରିଖ ପର୍ଯ୍ୟନ୍ତ ଚାଲୁ ରହିବ।
ଭାରତ-ପାକିସ୍ତାନ ମ୍ୟାଚ୍କୁ ନେଇ ସର୍ବାଧିକ କ୍ରେଜ୍: ଅକ୍ଟୋବର ୧୦ ତାରିଖରେ ଜୋହାନ୍ସବର୍ଗରେ ଖେଳାଯିବାକୁ ଥିବା ହାଇ-ଭୋଲ୍ଟେଜ୍ ଭାରତ-ପାକିସ୍ତାନ ମ୍ୟାଚ୍ ପାଇଁ ରିକର୍ଡ ୮୩,୯୭,୨୯୪ ଟି (୮୪ ଲକ୍ଷ) ଟିକେଟ୍ ଅନୁରୋଧ ଆସିଛି। ନଭେମ୍ବର ୨୧ ରେ ସେହି ଜୋହାନ୍ସବର୍ଗରେ ଅନୁଷ୍ଠିତ ହେବାକୁ ଥିବା ଫାଇନାଲ୍ ମ୍ୟାଚ୍ ପାଇଁ ପ୍ରାୟ ୭୯ ଲକ୍ଷ ଆବେଦନ ମିଳିଛି।
ଆୟୋଜକ ଦେଶଗୁଡ଼ିକର ସ୍ଥିତି: ନିଜ ମାଟିରେ ଅନୁଷ୍ଠିତ ହେବାକୁ ଥିବା ୪୧ଟି ମ୍ୟାଚ୍ ପାଇଁ ସର୍ବାଧିକ ୧୦.୫ କୋଟିରୁ ଅଧିକ ଟିକେଟ୍ ଆବେଦନ ପାଇ ସମସ୍ତ ରେକର୍ଡ ଭଙ୍ଗ କରିଛି। ଜିମ୍ବାୱେରେ ମୋଟ ୧୩.୩୫ ନିୟୁତ ଆବେଦନ ଆସିଥିବା ବେଳେ, ଭିକ୍ଟୋରିଆ ଫଲ୍ସରେ ଭାରତ ସହ ହେବାକୁ ଥିବା ମ୍ୟାଚ୍ ପାଇଁ କେବଳ ୩୩ ଲକ୍ଷରୁ ଅଧିକ ଆବେଦନ ଆସିଛି। ନାମିବିଆ ୨୦ ଲକ୍ଷରୁ ଅଧିକ ଟିକେଟ୍ ଆବେଦନ ଗ୍ରହଣ କରିଛି।
ଦୀର୍ଘ ୨୪ ବର୍ଷର ବ୍ୟବଧାନ ପରେ ଆଫ୍ରିକା ମହାଦେଶକୁ ବିଶ୍ୱକପ୍ ଫେରୁଥିବା ବେଳେ, ଏହି ୧୪ଶ ସଂସ୍କରଣରେ ୧୪ଟି ଦଳ ଅଂଶଗ୍ରହଣ କରିବେ। ଦକ୍ଷିଣ ଆଫ୍ରିକା, ଜିମ୍ବାୱେ ଏବଂ ନାମିବିଆର ୧୨ଟି ଭେନ୍ୟୁରେ ମୋଟ ୫୭ଟି ମ୍ୟାଚ୍ ଖେଳାଯିବ।
