ଦୁର୍ଗାପୂଜା ପାଇଁ ଅକ୍ଟୋବର ୧୯ ରୁ ବନ୍ଦ ରହିବ ଓଡ଼ିଶା ହାଇକୋର୍ଟ

କଟକ: ପବିତ୍ର ଦୁର୍ଗାପୂଜା ଉପଲକ୍ଷେ ଓଡ଼ିଶା ହାଇକୋର୍ଟ ଆସନ୍ତା ଅକ୍ଟୋବର ୧୯ ତାରିଖରୁ ବନ୍ଦ ରହିବ। ଛୁଟି ସରିବା ପରେ ଆସନ୍ତା ଅକ୍ଟୋବର ୨୭ ତାରିଖରେ ହାଇକୋର୍ଟ ପୁନଃ କାର୍ଯ୍ୟକ୍ଷମ ହେବ ବୋଲି ହାଇକୋର୍ଟଙ୍କ ପକ୍ଷରୁ ଜାରି ବିଜ୍ଞପ୍ତିରେ କୁହାଯାଇଛି।

ଅକ୍ଟୋବର ୧୭ ଏବଂ ୧୮ ତାରିଖ ଶନିବାର ଓ ରବିବାର ପଡ଼ିଥିବାରୁ, ଆଜି ଅର୍ଥାତ୍ ଅକ୍ଟୋବର ୧୬ (ଶୁକ୍ରବାର) ହେଉଛି ଦଶହରା ଛୁଟି ପୂର୍ବରୁ ହାଇକୋର୍ଟର ଶେଷ କାର୍ଯ୍ୟଦିବସ। ଏହାପରେ ଅକ୍ଟୋବର ୧୯ (ସୋମବାର) ରୁ ଅକ୍ଟୋବର ୨୬ ତାରିଖ ପର୍ଯ୍ୟନ୍ତ କୋର୍ଟରେ ପୂଜା ଛୁଟି ଜାରି ରହିବ।

ଛୁଟିଦିନଗୁଡ଼ିକ ମଧ୍ୟରେ ଜରୁରୀ ମାମଲାର ଶୁଣାଣି ପାଇଁ କେବଳ ଅକ୍ଟୋବର ୨୩ ତାରିଖରେ ଭାକେସନ୍ ବେଞ୍ଚ ବସିବ। ସେହିଦିନ ୩ଟି ବେଞ୍ଚ କାର୍ଯ୍ୟ କରିବେ । ବିଚାରପତି ଜଷ୍ଟିସ୍ ଶଶିକାନ୍ତ ମିଶ୍ର ଏବଂ ଜଷ୍ଟିସ୍ ଆଦିତ୍ୟ କୁମାର ମହାପାତ୍ର ଏକ ମିଳିତ ବେଞ୍ଚରେ ବସିବେ।

ଏହାପରେ ଉଭୟ ବିଚାରପତି ସ୍ୱତନ୍ତ୍ର ଭାବେ ନିଜସ୍ୱ ବେଞ୍ଚରେ ବିଭିନ୍ନ ମାମଲାର ଶୁଣାଣି କରିବେ। ଏହାଛଡ଼ା, ଛୁଟି ମଧ୍ୟରେ ଅକ୍ଟୋବର ୨୧, ୨୨ ଏବଂ ୨୩ ତାରିଖରେ ଦିନ ୧୧:୦୦ ଟାରୁ ଅପରାହ୍ନ ୩:୦୦ ଟା ପର୍ଯ୍ୟନ୍ତ ହାଇକୋର୍ଟ କାର୍ଯ୍ୟାଳୟ ଖୋାଲା ରହିବ ବୋଲି ବିଜ୍ଞପ୍ତିରେ ସ୍ପଷ୍ଟ କରାଯାଇଛି।