ନୂଆଦିଲ୍ଲୀ: ଦିଲ୍ଲୀର ଜନ୍ତର ମନ୍ତର ଠାରେ ଅନଧିକୃତ ପ୍ରବେଶ ଏବଂ ପ୍ରତିବାଦ ମାମଲାରେ କକ୍ରୋଚ୍ ଜନତା ପାର୍ଟି ର ନେତାମାନଙ୍କ ବିରୋଧରେ କାର୍ଯ୍ୟାନୁଷ୍ଠାନ କଡ଼ା କରାଯାଇଛି।
CJP ନେତା ସୌରଭ ଦାସ ଏବଂ ଆଶୁତୋଷ ରଙ୍କାଙ୍କୁ ବୁଧବାର ଦିନ ୫ ଦିନିଆ ନ୍ୟୁୟିକ ହେପାଜତକୁ ପଠାଯାଇଥିବାବେଳେ ଅନ୍ୟତମ ସଦସ୍ୟ ଅଜିଙ୍କ୍ୟ ସିନ୍ଦେଙ୍କୁ ବ୍ୟକ୍ତିଗତ ମୁଚାଲିକାରେ ମୁକ୍ତ କରାଯାଇଛି। CJP ର ଆଇନଗତ ବ୍ୟାପାର ମୁଖ୍ୟ ରତ୍ନା ସିଂହ ଏହି ସୂଚନା ଦେଇଛନ୍ତି।
ମାମଲା ଓ କୋର୍ଟରେ ହାଜିର: ଜନ୍ତର ମନ୍ତରକୁ ପ୍ରତିବାଦ ସ୍ଥଳ ତାଲିକାରୁ ବାଦ୍ ଦିଆଯାଇଥିବା ସତ୍ତ୍ୱେ, ପୋଲିସ ବ୍ୟାରିକେଡ୍ ଭାଙ୍ଗି ସେଠାରେ ପ୍ରବେଶ କରିବା ଏବଂ ବଣ୍ଡ ସର୍ତ୍ତ ଉଲ୍ଲଂଘନ ଅଭିଯୋଗରେ ଏହି ତିନିଜଣଙ୍କୁ ଗିରଫ କରାଯାଇଥିଲା।
ବୁଧବାର ସକାଳେ ନୂଆଦିଲ୍ଲୀର ମନ୍ଦିର ମାର୍ଗ ସ୍ଥିତ ମାଜିଷ୍ଟ୍ରେଟ୍ କୋର୍ଟରେ ସେମାନଙ୍କୁ ହାଜର କରାଯାଇଥିଲା। ପୂର୍ବରୁ ଅକ୍ଟୋବର ୧୦ ପ୍ରତିବାଦ ମାମଲାରେ ଜାମିନ ପାଇଥିବା ଏହି ନେତାମାନେ ପୁନର୍ବାର ନିୟମ ଉଲ୍ଲଂଘନ କରିଥିବାରୁ ସେମାନଙ୍କୁ ପୁନର୍ବାର ଆଇନଗତ କାର୍ଯ୍ୟାନୁଷ୍ଠାନର ସାମ୍ନା କରିବାକୁ ପଡ଼ିଛି।
