ନୂଆଦିଲ୍ଲୀ: ଦ୍ୱାରକା ସ୍ଥିତ ମଣିପାଲ ହସ୍ପିଟାଲର ଡାକ୍ତରମାନେ ଏକ ଜଟିଳ ତଥା ଜୀବନପ୍ରତି ବିପଦପୂର୍ଣ୍ଣ ମାମଲାରେ ସଫଳତା ହାସଲ କରିଛନ୍ତି। ଏକ ସଡ଼କ ଦୁର୍ଘଟଣାରେ ଗୁରୁତର ଆହତ ହୋଇଥିବା ୨୭ ବର୍ଷୀୟ ଜଣେ ଯୁବକଙ୍କୁ ସଫଳ ସର୍ଜରୀ ଜରିଆରେ ନୂତନ ଜୀବନ ପ୍ରଦାନ କରାଯାଇଛି। ରୋଗୀଙ୍କ ମସ୍ତିଷ୍କ ଭିତରେ ରକ୍ତସ୍ରାବ, ଅତ୍ୟଧିକ ଫୁଲା ଏବଂ ମସ୍ତିଷ୍କର ମଧ୍ୟଭାଗ ସ୍ଥାନାନ୍ତରିତ ହୋଇଯାଇଥିବାରୁ ଜରୁରୀକାଳୀନ ଅସ୍ତ୍ରୋପଚାର କରାଯାଇଥିଲା।
ହସ୍ପିଟାଲର ଦିଲ୍ଲୀ-ଏନସିଆର ନ୍ୟୁରୋସର୍ଜରୀ ବିଭାଗର କ୍ଲଷ୍ଟର୍ ହେଡ୍ ଡା. ଅନୁରାଗ ସକ୍ସେନା ଏବଂ ତାଙ୍କ ଟିମ୍ ଏହି ଅସ୍ତ୍ରୋପଚାର କରିଥିଲେ। ମସ୍ତିଷ୍କରୁ ରକ୍ତ ଜମାଟ ବାହାର କରାଯିବା ସହ ମସ୍ତିଷ୍କର ଫୁଲାକୁ ନିୟନ୍ତ୍ରଣ କରିବା ପାଇଁ କପାଳର ଏକ ଅଂଶକୁ ଅସ୍ଥାୟୀ ଭାବେ ବାହାର କରାଯାଇଥିଲା। ପରବର୍ତ୍ତୀ ସମୟରେ ରୋଗୀଙ୍କ ସ୍ୱାସ୍ଥ୍ୟରେ ଉନ୍ନତି ଆସିବାରୁ ତାଙ୍କର ନିଜ ହାଡ଼ ବ୍ୟବହାର କରି ପୁନର୍ବାର କରଣକୁ ସଠିକ୍ ସ୍ଥିତିକୁ ଅଣାଯାଇଥିଲା।
ଡାକ୍ତରଙ୍କ କହିବାନୁଯାୟୀ, ଦୁର୍ଘଟଣା ପରେ ମସ୍ତିଷ୍କ ଫୁଲିଯିବା ଯୋଗୁଁ କପାଳ ଭିତରେ ଚାପ ବଢ଼ିଯାଇଥାଏ, ଯାହା ପ୍ରେସର କୁକର ଭଳି କାମ କରେ। ସଠିକ୍ ସମୟରେ ଚିକିତ୍ସା ଏବଂ ‘ଗୋଲ୍ଡେନ୍ ଆୱାର୍ଡ’ ମଧ୍ୟରେ ହସ୍ପିଟାଲରେ ପହଞ୍ଚିବା ଯୋଗୁଁ ଏହି ଜୀବନରକ୍ଷାକାରୀ ସଫଳତା ମିଳିପାରିଛି। ସଫଳ ଚିକିତ୍ସା ପରେ ରୋଗୀ ସୁସ୍ଥ ହୋଇ ଘରକୁ ଫେରିଛନ୍ତି।
