ଭୁବନେଶ୍ୱର: ବଙ୍ଗୋପସାଗରରେ ସୃଷ୍ଟି ହେବାକୁଥିବା ସମ୍ଭାବ୍ୟ ସାମୁଦ୍ରିକ ଝଡ଼ର ମୁକାବିଲା ପାଇଁ ରାଜ୍ୟ ଅଗ୍ନିଶମ ଏବଂ ଜରୁରୀକାଳୀନ ସେବା ବିଭାଗ ପକ୍ଷରୁ ବ୍ୟାପକ ପ୍ରସ୍ତୁତି କରାଯାଇଛି। ସମ୍ଭାବ୍ୟ ବିପର୍ଯ୍ୟୟର ମୁକାବିଲା ପାଇଁ ବିଭାଗ ପକ୍ଷରୁ ମୋଟ ୨୦୫ଟି ସ୍ୱତନ୍ତ୍ର ଟିମ୍ କୁ ମଇଦାନକୁ ଓହ୍ଲାଯିବା ନେଇ ବ୍ୟବସ୍ଥା କରାଯାଇଛି।
ସମ୍ଭାବ୍ୟ ପ୍ରଭାବିତ ଜିଲ୍ଲାଗୁଡ଼ିକରେ ଏହି ଟିମ୍ଗୁଡ଼ିକୁ ମୁତୟନ କରାଯିବ ଏବଂ ସେମାନେ ୨୪ ଘଣ୍ଟିଆ ଆର୍ଟ ମୋଡ଼ରେ ରହିବେ। ବାତ୍ୟା ସମୟରେ କିମ୍ବା ପରେ ହେବାକୁଥିବା ଜଳବନ୍ଦୀ, ଗଛ ଖସି ପଡ଼ିବା, ଘର ଭୁଶୁଡ଼ିବା ଏବଂ ଅନ୍ୟାନ୍ୟ ଜରୁରୀକାଳୀନ ଉଦ୍ଧାର କାର୍ଯ୍ୟ ପାଇଁ ଅଗ୍ନିଶମ ବାହିନୀ ସମ୍ପୂର୍ଣ୍ଣ ପ୍ରସ୍ତୁତ ରହିଛି।
ଟିମ୍ଗୁଡ଼ିକୁ ଅତ୍ୟାଧୁନିକ ଉଦ୍ଧାରକାରୀ ସରଞ୍ଜାମ, ବୋଟ୍, କଟର୍ ଏବଂ ଅନ୍ୟାନ୍ୟ ବିପର୍ଯ୍ୟୟ ପ୍ରତିକ୍ରିୟା ଉପକରଣରେ ସଜ୍ଜିତ କରାଯାଇଛି। ଏହା ସହିତ ନିୟନ୍ତ୍ରଣ କକ୍ଷ ଗୁଡ଼ିକ ଦିନରାତି କାର୍ଯ୍ୟ କରିବ ଏବଂ ଜିଲ୍ଲା ପ୍ରଶାସନ ସହିତ ତାଳମେଳ ରଖି କାର୍ଯ୍ୟ କରାଯିବ ବୋଲି ବିଭାଗ ପକ୍ଷରୁ ସୂଚନା ଦିଆଯାଇଛି।
