ନ୍ୟୁଜ୍ ଡେସ୍କ: ଓଡ଼ିଶା କ୍ୟାବିନେଟ୍ରେ ୧୩ ପ୍ରସ୍ତାବକୁ ମଞ୍ଜୁରି; ଗ୍ରାମୀଣ ରାସ୍ତା ଉପରେ ଗୁରୁତ୍ୱ। ଉପଲବ୍ଧ ରିପୋର୍ଟ, ସମ୍ପୃକ୍ତ ପକ୍ଷର ସୂଚନା ଓ ଆବଶ୍ୟକ ପୃଷ୍ଠଭୂମିକୁ ଆଧାର କରି ଏହି ଖବର ପ୍ରସ୍ତୁତ କରାଯାଇଛି।
ଗ୍ରାମୀଣ ରାସ୍ତା, ସଂଯୋଗ ଓ ଅନ୍ୟ ପ୍ରଶାସନିକ ପ୍ରସ୍ତାବ ଏହାର ଅଂଶ; ପ୍ରତ୍ୟେକ ଯୋଜନାର ଅନ୍ତିମ ରୂପ ସରକାରୀ ଅଧିସୂଚନାରୁ ଯାଞ୍ଚ କରାଯିବା ଉଚିତ। ଓଡ଼ିଶା କ୍ୟାବିନେଟ୍ ବୈଠକରେ ସାତଟି ବିଭାଗ ସହ ସମ୍ପୃକ୍ତ ୧୩ଟି ପ୍ରସ୍ତାବକୁ ଅନୁମୋଦନ ମିଳିଥିବା ସୂଚନା ଆସିଛି। ଭୁବନେଶ୍ଵର: ରାଜ୍ୟ କ୍ୟାବିନେଟ୍ ବୈଠକରେ ୧୩ଟି ପ୍ରସ୍ତାବକୁ ଅନୁମୋଦନ ମିଳିଛି । ଆଜି ରାଜ୍ୟ ମନ୍ତ୍ରିମଣ୍ଡଳ (କ୍ୟାବିନେଟ)ର ୪୪ତମ ବୈଠକ ପରେ ମୁଖ୍ୟ ଶାସନ ସଚିବ ଅନୁ ଗର୍ଗ କ୍ୟାବିନେଟ୍ ନିଷ୍ପତ୍ତି ନେଇ ଗଣମାଧ୍ୟମକୁ ସୂଚନା ଦେଇଛନ୍ତି ।ଜଳ ସମ୍ପଦ ବିଭାଗ, ମତ୍ସ୍ୟ ଓ ପ୍ରାଣୀ ସମ୍ପଦ ବିଭାଗ, ସମବାୟ ବିଭାଗ, କୃଷି ଓ କୃଷକ ସଶକ୍ତି କରଣ ବିଭାଗ, ଖାଦ୍ୟ ଯୋଗାଣ ଓ ଖାଉଟି କଲ୍ୟାଣ ବିଭାଗ, ରାଜସ୍ବ ବିଭାଗର ଗୋଟିଏ ଲେଖାଏଁ ପ୍ରସ୍ତାବକୁ ପାରିତ କରାଯାଇଛି ।
ମୁଖ୍ୟମନ୍ତ୍ରୀ ମୋହନ ଚରଣ ମାଝୀଙ୍କ ଅଧ୍ୟକ୍ଷତାରେ ବସିଥିବା କ୍ୟାବିନେଟ୍ ବୈଠକ ୭ଟି ବିଭାଗର ୧୩ଟି ପ୍ରସ୍ତାବକୁ ମଞ୍ଜୁରୀ ପ୍ରଦାନ କରିଛି । ଗ୍ରାମ୍ୟ ଉନ୍ନୟନ ବିଭାଗର ସର୍ବାଧିକ ୭ଟି ପ୍ରସ୍ତାବରେ ବାଜିଛି କ୍ୟାବିନେଟ୍ ମୋହର ।ସେହିପରି ପଢ଼ନ୍ତୁ: ଦୁଇ ଦିନ ଅତି ପ୍ରବଳ ବର୍ଷା ନେଇ ରେଡ୍ ଆଲର୍ଟ; ୨୪ ଘଣ୍ଟାରେ ଲଘୁଚାପ ସମ୍ଭାବନା ମୁଖ୍ୟମନ୍ତ୍ରୀ ସଡ଼କ ଯୋଜନା ଆଉ ୫ବର୍ଷ ପାଇଁ ବୃଦ୍ଧି କରାଯାଇଛି । ରାଜ୍ୟର ଯେଉଁ ଗାଁକୁ ରାସ୍ତା ନ ଥିବ ରାସ୍ତା ସୁବିଧା କରାଯିବ ।
ଦୁର୍ଗମ ଅଞ୍ଚଳକୁ ଉତ୍ତମ ରାସ୍ତା ସଂଯୋଗ ସୁନିଶ୍ଚିତ କରାଯିବ । ମୁଖ୍ୟମନ୍ତ୍ରୀ ସଡ଼କ ଯୋଜନା ଅଧିନରେ ୪, ୬୦୦ କିମି ନୂଆ ସଡ଼କ ପାଇଁ ଅନୁମୋଦନ ମିଳିଛି ।ମୁଖ୍ୟମନ୍ତ୍ରୀ ସଡ଼କ ଯୋଜନାରେ, ଆନ୍ତଃରାଜ୍ୟ, ଆନ୍ତଃଜିଲ୍ଲା ଓ ଆନ୍ତଃବ୍ଲକ ମଧ୍ୟରେ ଅସଂଯୋଜିତ ରାସ୍ତାଗୁଡ଼ିକୁ ମୁଖ୍ୟ ରାସ୍ତା ସହ ସଂଯୋଗୀକରଣ କରାଯାଉଛି । ଏଥିପାଇଁ ୧୯୧୭ କୋଟିର ବ୍ୟୟବରାଦରେ ୩୮୫୦ କିମି ନୂତନ ରାସ୍ତା ତଥା ସେତୁ ନିର୍ମାଣକୁ ଅନୁମୋଦନ ମିଳିଛି ।ସେହିଭଳି ମୁଖ୍ୟମନ୍ତ୍ରୀ ସଡ଼କ ଯୋଜନାରେ, ଗ୍ରାମ୍ୟ ଉନ୍ନୟନ ଅଧିନସ୍ଥ ରାସ୍ତାଗୁଡ଼ିକର ଉନ୍ନତିକରଣ କରାଯାଉଛି ।
ଏହାକୁ ୨୦୨୯-୩୦ ବର୍ଷ ପର୍ଯ୍ୟନ୍ତ କାର୍ଯ୍ୟକାରୀ କରାଯିବ । ଯୋଜନାରେ ଆଗାମୀ ୫ ବର୍ଷରେ ୫, ୭୫୦ କୋଟି ବ୍ୟୟ କରାଯାଇ ୧୭, ୫୦୦ କିମି ନୂଆ ରାସ୍ତା ନିର୍ମାଣ ସହ ଚାଲୁ ରହିଥିବା ପ୍ରକଳ୍ପ ସମ୍ପୂର୍ଣ୍ଣ କରାଯିବ ।ବ୍ରିଜ୍ କମ୍ ୱେୟାର୍ ଯୋଜନାରାଜ୍ୟର ନଦୀଗର୍ଭ ଏବଂ ସେତୁର ଉପର ମୁଣ୍ଡରେ ମୌସୁମୀ ଜଳକୁ ସଂରକ୍ଷିତ କରି ରଖାଯିବ । ସେହିପରି ୫୦୮ଟି ନୂତନ ପ୍ରକଳ୍ପର ନିର୍ମାଣ ଏବଂ ପୂର୍ବରୁ ଚାଲୁ ରହିଥିବା ସମସ୍ତ ୧୬୨ଟି ଅଧୁରା ପ୍ରକଳ୍ପକୁ ସମ୍ପୂର୍ଣ୍ଣ କରାଯିବ ।ସେହିପରି ପଢ଼ନ୍ତୁ: ରଥଯାତ୍ରାରେ ପୁରୀ ଗଲେ କେଉଁଠି ରଖିବେ ଗାଡ଼ି ?
ଯାହାକୁ ପରେ କ୍ଷୁଦ୍ର ଜଳସେଚନ, ପାନୀୟ ଜଳ ଓ ଗୃହପାଳିତ ପଶୁଙ୍କ ପାଇଁ ବ୍ୟବହାର ଉଦ୍ଦେଶ୍ୟରେ ଆରମ୍ଭ ଘଟିଛି ବ୍ରିଜ୍ କମ୍ ୱେୟାର୍ ଯୋଜନା ।ଏହି ଯୋଜନାରେ ଆଗାମୀ ୫ ବର୍ଷ ପାଇଁ ମୋଟ ୬୦୦ କୋଟି ଟଙ୍କା ବ୍ୟୟବରାଦକୁ କ୍ୟାବିନେଟ୍ ମୋହର ମାରିଛି । ଜାଣନ୍ତୁ ସମ୍ପୂର୍ଣ୍ଣ ତଥ୍ୟ ୫ ବର୍ଷ ବଢ଼ିଲା ସେତୁ ବନ୍ଧ ଯୋଜନାଗ୍ରାମ୍ୟ ଉନ୍ନୟନ ବିଭାଗର ରାସ୍ତାରେ ଥିବା ସଂଯୋଗବିହୀନ ସ୍ଥାନଗୁଡ଼ିକରେ ସେତୁ ବନ୍ଧ ଯୋଜନାରେ ବ୍ରିଜ୍ ନିର୍ମାଣ କରାଯାଉଛି ।
ପାଠକମାନେ ଶୀର୍ଷକ କିମ୍ବା ସୋସିଆଲ୍ ମିଡିଆ ପୋଷ୍ଟକୁ ମାତ୍ର ଆଧାର କରି ନିଷ୍କର୍ଷ ନକରି, ସମ୍ପୃକ୍ତ ସଂସ୍ଥାର ଔପଚାରିକ ସୂଚନା ଓ ପରବର୍ତ୍ତୀ ଅଦ୍ୟତନକୁ ପ୍ରାଥମିକତା ଦିଅନ୍ତୁ। ନୂଆ ପ୍ରମାଣିତ ତଥ୍ୟ ଆସିଲେ ରିପୋର୍ଟକୁ ଆବଶ୍ୟକ ଅନୁସାରେ ଅଦ୍ୟତନ କରାଯିବ।
