ମଧ୍ୟପ୍ରଦେଶର ଖଣ୍ଡୱା ଜିଲ୍ଲାର କିଛି ଗାଁରେ ପ୍ରାୟ ଚାରି ମାସ ଧରି ଆତଙ୍କ ସୃଷ୍ଟି କରିଥିବା ଏକ କଲରାପତରିଆ ଶେଷରେ ଯନ୍ତାରେ ଧରାପଡ଼ିଛି। କୁକୁଡ଼ାକୁ ଟୋପ ଭାବେ ବ୍ୟବହାର କରି ବନ ବିଭାଗ ଲଗାଇଥିବା ପିଞ୍ଜରାରେ ଏହା ପଶିଥିଲା।
ରିପୋର୍ଟ ଅନୁସାରେ, ଖାରଖେଡ଼ି, କାକୋଡ଼ା ଓ ଆମ୍ବାଖେଡ଼ା ଅଞ୍ଚଳରେ ଗୃହପାଳିତ ପଶୁଙ୍କୁ ଶିକାର କରିବା ସହ ଚାଷଜମିରେ ଲୋକଙ୍କ ନିକଟକୁ ଆସୁଥିବାରୁ ଭୟର ପରିବେଶ ଥିଲା। ଗ୍ରାମବାସୀଙ୍କ ଅଭିଯୋଗ ପରେ ପ୍ରାୟ ଚାରି ଦିନ ତଳେ ଯନ୍ତା ବସାଯାଇଥିଲା।
କଲରାପତରିଆ ଧରାପଡ଼ିବା ପରେ ବନ ବିଭାଗର ଉଦ୍ଧାରକାରୀ ଦଳ ଏହାକୁ ସୁରକ୍ଷିତ ଭାବେ ନେଇଯାଇଛି। ସ୍ୱାସ୍ଥ୍ୟ ପରୀକ୍ଷା ପରେ ଜନବସତିଠାରୁ ଦୂର ଏକ ସୁରକ୍ଷିତ ଘନ ଜଙ୍ଗଲରେ ଛାଡ଼ିବାକୁ ପଦକ୍ଷେପ ନିଆଯାଇଛି।
