ପୁରୀ: ଅଣସର ଘରେ ଗୁପ୍ତ ସେବା ପରେ ମହାପ୍ରଭୁ ଶ୍ରୀଜଗନ୍ନାଥ, ବଳଭଦ୍ର ଓ ଦେବୀ ସୁଭଦ୍ରା ସୁସ୍ଥ ହୋଇଥିବା ସୂଚନା ମିଳିଛି। ପରମ୍ପରା ଅନୁଯାୟୀ ରାଜବୈଦ୍ୟଙ୍କ ଦଶମୂଳ ଔଷଧ ଓ ଦଇତାପତି ସେବାୟତଙ୍କ ବିଶେଷ ସେବା ପରେ ଶ୍ରୀବିଗ୍ରହ ନବଯୌବନ ରୂପରେ ଭକ୍ତଙ୍କୁ ଦର୍ଶନ ଦେବେ।
ମଙ୍ଗଳବାର ନବଯୌବନ ଦର୍ଶନ ପାଇଁ ଶ୍ରୀମନ୍ଦିର ପ୍ରଶାସନ ପକ୍ଷରୁ ନୀତି ଓ ଭକ୍ତଙ୍କ ଦର୍ଶନ ବ୍ୟବସ୍ଥା ପ୍ରସ୍ତୁତ କରାଯାଉଛି। ଦୀର୍ଘଦିନ ପରେ ମହାପ୍ରଭୁଙ୍କ ଏହି ଦୁର୍ଲଭ ରୂପ ଦର୍ଶନ ପାଇଁ ପୁରୀରେ ବହୁ ସଂଖ୍ୟକ ଶ୍ରଦ୍ଧାଳୁଙ୍କ ସମାଗମ ହେବା ଆଶା କରାଯାଉଛି।